Բժշկի կոչման հմայքի գաղտնիքը. armeniamedicalcenter.am

Առհասարակ, տարածված ձեւաչափ է բժշկի հետ հարցազրույցը, որի ընթացքում բացահայտվում է նրա մասնագիտական իմացությունն ու կատարած աշխատանքը: Մինչդեռ բժշկի կատարած աշխատանքն ու մասնագիտական իմացության արտացոլանքը բուժված հիվանդների առողջական պատկերն է:  Եվ հենց այս նպատակով այցելեցինք  «Արմենիա» ԲԿ սրտաբանական բաժանմունք, որտեղ հնարավորություն ընձեռվեց  բացահայտելու  բժշկի կոչման հմայքի գաղտնիքը:  Իսկ այս հարցում մեզ օգնեցին հիվանդները:

Լարիսա Մախտեսյան

Շուրջ տասը տարի այցելում եմ «Արմենիա» ԲԿ եւ կարծես այս վայրն ինձ համար դարձել է հարազատ օջախ: Տարին երկու-երեք անգամ այցելում եմ հետազոտվելու եւ բուժվելու նպատակով: Այստեղ բոլորը շատ սիրալիր  ու հոգատար են մարդկանց հետ: Աստված երկար կյանք տա «Արմենիա» ԲԿ սրտաբանական բաժանմունքի ղեկավար սիրելի Մայրանուշ Դրամբյանին և ինձ բուժող բժիշկ Առու Տամբային: Այստեղ կա բժշկական անձնակազմի միասնականություն: Վստահեցնում եմ, որ  բուժման մեջ դեղորայքից բացի  շատ կարեւոր է բժշկի հոգատարությունը: Նման  վերաբերմունքի շնորհիվ է,  որ մարդիկ այստեղ ապաքինվում  ու նոր կյանք են ստանում:  Ոչ մի դեղորայք չի կարող դրական ազդեցություն ունենալ առողջության վրա, եթե բացակայում է  բժշկի ջերմ ու հոգատար վերաբերմունքը: Բժիշկը բարձր  կոչում է եւ ուզում եմ, որ մեր կառավարությունը գնահատի այդ արժեքը, որ ունեն մեր բժիշկները: Բաժանմունքի բժիշկները հենց առաջին օրվանից ցուցաբերեցին հոգատարություն, ինչը թույլ տվեց մինչ օրս նրանց վստահել իմ առողջությունը: Չեմ կարող բառերով նկարագրել  Մայրանուշ Դրամբյանի  սերն ու ջերմությունը հիվանդների նկատմամբ: Նույնիսկ միջանցքում  քայլելիս նրա ոտքերի ձայնը,  որ լսում եմ, չեմ կարող նկարագրել, թե այդ պահին ոնց եմ մոռանում ցավերս: «Երկաթե» առողջություն եմ ցանկանում «Արմենիա» ԲԿ սրտաբանական բաժանմունքի ամբողջ անձնակազմին, որոնց անձնանվեր, մասնագիտական աշխատանքն անգնահատելի է:

Լյովա Գալոյան

Սրտի անբավարարության խնդրով շտապ օգնության մեքենայով ինձ տեղափոխել են «Արմենիա» ԲԿ: Բժիշկներից շատ շնորհակալ եմ, գերազանց են կատարում իրենց աշխատանքը: Շատ հոգատար ու ջերմ վերաբերմունք կա այստեղ: Ինձ որ նոր էին տեղափոխել «Արմենիա» ԲԿ, չէի կարողանում խոսել ու հազում էի անդադար: Հիմա, փառք Աստծո, շատ լավ եմ, ամենակարեւորը, այստեղի բժիշկները կարողացան ինձ բուժել: Տա Աստված, որ մեր մայրաքաղաքի եւ մարզերի  կլինիկաներում նման բարձր հատկանիշներով բժիշկներ աշխատեն: Գոհ եմ այստեղի բուժանձնակազմից՝ բուժքույրերից եւ  բժիշկներից, հատկապես ինձ բուժող բժիշկ Առու Տամբայից: Սրտաբանական բաժանմունքի ղեկավար Մայրանուշ Դրամբյանից  անչափ  շնոհակալ եմ, իր հոգատար վերաբերմունքով իսկական բժիշկ է: Ասածներս լոկ խոսքեր չեն՝  իրականությունն եմ ներկայացնում:

Հակոբ Կարաթորոսյան

Շատ պատահական եկա այստեղ եւ չէի պատկերացնում, որ առողաջական վիճակս ծանր էր: Սրտի գանգատներ ունեի եւ հետազոտման արդյունքում բացահայտվեց, որ ինֆարկտ եմ տանում ու անհրաժեշտություն առաջացավ կատարել սրտի անոթների ստենտավորում: Կլինիկայի ղեկավար Մայրանուշ Դրամբյանի, կարդիոռեանիմատոլոգ Գայանե Պապիկյանի և ինտերվենցիոն սրտաբան Պողոս Սարգիսյանի կողմից առաջարկվել է ստենտավորում պետական պատվերի շրջանակներում “stent for life” ծրագրի սահմաններում, որը բարեհաջող իրականացվեց: «Արմենիա» ԲԿ բժիշկները կյանք տվեցին ինձ, այս հաստատության բժիշկներն արժանի են միայն լավագույնին: Այստեղի բժիշկները հենց սկզբից  իմ մեջ եղած բոլոր վախերն ու կասկածները վերացրեցին: Ինձ դրսեւորած բուժօգնությունն այնքան լավ կազմակերպվեց, որ մոռացա առողջական խնդրիս մասին: Ինքս սիրահայ եմ եւ չգիտեի, որ Հայաստանում նման բժիշկներ կան: Հոգաչափ շնորհակալ եմ «Արմենիա» ԲԿ սրտաբանական բաժանմունքի ղեկավար Մայրանուշ Դրամբյանից: Ուզում եմ նշել, որ «Արմենիա» ԲԿ ինտերվենցիոն սրտաբանը նույնպես սիրիահայ է, ով իր նեղ մասնագիտական կրթությունը ստացել է այս կլինիկայում և, ճակատագրի բերումով, երկար տարիներ անց աշխատում է նույն կենտրոնում: Մի խնդրանք ունեմ մեր պետությունից՝ սիրիահայերին լավ նայեք, թող մնանք էստեղ, արմատակալվենք մեր հայրենիքում: Այս կարգի լավ բժիշկների կարիքը շատ  ունենք, նորից եմ շեշտում, այստեղ աշխատում են լավագույն բժիշկները:

Հարցեր, պատասխաններ, մեկնաբանություններ